Eldur kom upp á leikskóla, í kjallara húss og í bifreið
Eldur braust út við leikskólann Kvistaborg í nótt að því er kemur fram á vef RÚV Eldurinn átti upptök sín í ruslatunnu og hafði læst sig um þak skólans þegar slökkvilið kom á vettvang. Slökkviliðið slökkti eldinn og reykræsti húsið. Einnig kom upp eldur í kjallara húss í Dugguvogi og í bifreið við Sólvang í Hafnarfirði. Slökkviliðið réði fljótt niðurlögum eldsins.