Íslenskt par situr í haldi lögreglunnar í Fortaleza í Brasilíu grunuð að hafa ætlað að smygla fjórum kílóum af kókaíni úr landi. Þetta kemur fram í fréttatilkynningu frá lögreglunni. Við leit í mótelherbergi þeirra fann lögreglan fjögur kíló af kókaíni.Um er að ræða 26 ára karlmann og tvítuga konu en samkvæmt heimildum Stundin.is eru þau kærustupar.

Brasilísku lögreglunni var gert viðvart um fólkið og ætlanir þeirra kvöldið 26. desember og réðst lögreglan inn á mótel í Fortaleza í kjölfarið en þá var íslenska parið flutt sig á annað hótel þar sem þau voru handtekin.

Lögreglan gerði upptæka spjaldtölvu, tvo farsíma og 1.600 íslenskar krónur en samkvæmt upplýsingum frá lögreglunni hafði parið ætlað að fljúga úr landi. Kókaínið höfðu þau falið í fölskum botnum á þremur ferðatöskum sem þau höfðu meðferðis. Lögreglan fann einnig kókaín í tveimur smokkum og magnið náði í heildina fjórum kílóum.