fbpx
Fimmtudagur 21.febrúar 2019
Fókus

Ragga nagli – „Til að toppstykkið sé í lagi þarf að vera partý í þarmaflórunni“

Ragna Gestsdóttir
Fimmtudaginn 6. desember 2018 12:00

Ekki missa af Helstu tíðindum dagsins í pósthólfið þitt

Lesa nánar

Ragga Nagli er klínískur heilsusálfræðingur og einkaþjálfari. Á Facebook heldur hún úti vinsælli síðu þar sem hún birtir reglulega pistla um hreyfingu, mataræði og fleira. Í þessum fjallar hún um þarmaflóruna.

Þarmaflóran átti sitt stjörnumóment 2017 til 2018.
Hún var vinsælli en Beyoncé.

Vísindamenn hafa sjaldan kastað jafn mikilli vinnu og aurum í að skoða þetta langa líffæri sem hvílir fyrir miðjum skrokki.

„Allt byrjar í þörmunum,“ sagði Aristóteles.
Og það er ekki ofsögum sagt.

Trilljónir af bakteríum eru eins og galeiðuþrælar í þörmunum að melta og frásoga orku, andoxunarefni, vítamín og steinefni úr matnum sem við gúllum í ginið. Og þeirra verki er ekki lokið þar, því eins og skúringakellingar eftir rokktónleika skúra þær út óþarfa og ósóma og styðja þannig við heilbrigt ónæmiskerfi og halda pípulögninni reglulegri.

Til dæmis boðefnin GABA, serótónín, dópamín er framleitt í þarmaflórunni, en truflun á þessum boðefnum hefur áhrif á kvíða, þunglyndi, depurð og vanlíðan.

Til að toppstykkið sé í lagi þarf að vera partý í flórunni því taugaboðefni og hormónar krúsa þjóðveginn sem liggur frá þörmum upp í heila.

Ef partýið hefur hinsvegar breyst í unglingadrykkju með gubbandi ungviði, áfengisdauðum fótboltadrengjum og Chesterfield sófasettið komið út á stétt þá verður lítið vinnuframlag til að græja boðefnin upp í heila.

Heilbrigð þarmaflóra er því undirstaða heilsunnar.

Einkenni eins og:

🔸Síþreyta
🔸Harðlífi eða niðurgangur
🔸Kvíði og depurð
🔸Lélegar hægðir
🔸Útbrot á húð
🔸Hármissir
🔸Bakflæði
🔸Magaverkir
🔸Uppþemba
🔸Vindgangur

Þetta geta verið vísbendingar um að þarmarnir mígleki eins og kúlutjald á Þjóðhátíð og líkaminn sé því ekki að taka upp og nýta næringarefnin.

Það er ýmislegt til ráða við hriplekum þörmum:

🔹Auka neyslu á trefjaríkri fæðu.
🔹Gúlla eplaedik á fastandi maga nokkrum sinnum á dag.
🔹Minnka neyslu á súkralósa og nota stevia í staðinn.
🔹Meltingarensími hjálpa líkamanum að brjóta niður glútein og mjólkursykur.
🔹L-glutamine amínósýran býr til verndandi filmu innan á þörmunum.
🔹Sýrt grænmeti og sýrðar mjólkurvörur innihalda bílfarma af örverum sem hjálpa góðu bakteríunum að sinna sínu starfi.
🔹Góðgerlar dúndra inn örveru sem stuðla að betri þarmaflóru.

Prófaðu eitt eða fleiri skref í 2-3 vikur til að sjá hvernig líkaminn bregst við.

Facebooksíða Röggu nagla.

 

Ragna Gestsdóttir
Ragna Gestsdóttir er umsjónarmaður Fókus á DV. Hún hefur starfað hjá DV síðan 2014 og vann einnig á Séð og Heyrt 2016.
Ragna skrifar almennar fréttir, viðtöl, greinar um menningu, viðburði, fólk og fleira.
Hún er forvitin um menn, málefni og menningu og með minni á við bestu leitarvél.
Netfang: ragna@dv.is.
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fókus
Fyrir 20 klukkutímum
Alda Karen gengin út
Fókus
Í gær

Rosana er Bom Dia-konan – Varð ástfangin af Íslandi út af Nígeríusvindlara – Reyndi að vara Jón Gnarr við

Rosana er Bom Dia-konan – Varð ástfangin af Íslandi út af Nígeríusvindlara – Reyndi að vara Jón Gnarr við
Fókus
Í gær

Sjáðu myndirnar: Vesalings elskendur frumsýnd með pompi og prakt

Sjáðu myndirnar: Vesalings elskendur frumsýnd með pompi og prakt
Fókus
Fyrir 2 dögum

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið

Vinsælasta YouTube-stjarna heims gerist Íslandsvinur: „Vá hvað þetta er flott útsýni… nei, gleymið þessu“ – Sjáðu myndbandið
Fókus
Fyrir 2 dögum

Íslandi spáð 12. sæti í Eurovision: Rússinn sem tapaði talinn sigurstranglegastur

Íslandi spáð 12. sæti í Eurovision: Rússinn sem tapaði talinn sigurstranglegastur
Fyrir 3 dögum

Aron Leví greindist snemma með ADHD: „Ég var ekki vandræðaunglingur, en heldur ekki fyrirmyndardrengur“

Aron Leví greindist snemma með ADHD: „Ég var ekki vandræðaunglingur, en heldur ekki fyrirmyndardrengur“
Fyrir 3 dögum

Lítt þekkt ættartengsl: Rokkarinn og fréttamaðurinn

Lítt þekkt ættartengsl: Rokkarinn og fréttamaðurinn