Luis Enrique, fyrrum stjóri Barcelona er í viðræðum við Arsenal um að taka við liðinu í sumar en það er Mail sem greinir frá þessu.
Mail greinir frá því að Enrique sé búinn að vera í sambandi við forráðamenn félagsins að undanförnu en Arsene Wenger mun hætta með liðið í sumar.
Wenger tilkynnti það í morgun að hann hyggðist hætta í lok tímabilsins en hann hefur stýrt liðinu frá árinu 1996.
Patrick Vieira, fyrrum fyrirliði Arsenal hefur einnig verið orðaður við starfið en hann er sá maður sem Wenger er sagður vilja fá til þess að taka við af sér.
Luis Enrique hefur einnig verið orðaður við stjórastöðuna hjá Chelsea og PSG en hann hætti með Barcelona síðasta sumar og hefur verið án starfs síðan.
