Jóhann Berg Guðmundsson var mættur aftur í lið Burnley eftir meiðsli sem héldu honum frá vellinum í síðustu tveimur leikjum.
Burnley tók á móti Leicester í ensku úrvalsdeildinin í dag og liðið byrjaði með látum. Burnley var komið í 2-0 eftir níu mínútna leik en Jóhann Berg lagði upp seinna mark liðsins.
Hornspyrna Jóhanns, rataði á kollinn á Kevin Long sem skallaði knöttinn í netið. Jamie Vardy lagaði stöðuna fyrir Leicester en nær komst liðið ekki. Burnley situr í sjöunda sæti deildarinnar með 52 stig.
Crystal Palace vann mikilvægan sigur á Brighton en liðið reynir að bjarga sér frá falli.
Gylfi Þór Sigurðsson var á sjúkralistanum er liðið heimsótti Swansea, leiknum lauk með 1-1 jafntefli.
Úrslit dagsins eru hér að neðan.
Burnley 2 – 1 Leicester:
1-0 Chris Wood
2-0 Kevin Long
2-1 Jamie Vardy
Huddersfield 1 – 0 Watford:
1-0 Tom Ince
Crystal Palace 3 – 2 Brighton:
1-0 Wilfried Zaha
2-0 James Tomkins
2-1 Glenn Murray
3-1 Wilfried Zaha
3-2 Jose Izquierdo
Swansea 1 – 1 Everton:
0-1 Kyle Naughton (Sjálfsmark)
1-1 Jordan Ayew
