Við munum fá sterka niðurstöðu varðandi sjávarútveg í aðildarviðræðum við Evrópusambandið. Einnig varðandi landbúnað. Það er mikið hagsmunamál fyrir bændur, ekki síst þá sem hafa fjárfest af myndarskap eða þá sem vilja komast inn í greinina að lækka fjármagnskostnað hér á landi með því að tengjast eða taka upp evru.

Ef þjóðin samþykkir aðildarviðræður við ESB í þjóðaratkvæðagreiðslunni 29. ágúst fara í hönd einstakar viðræður sem ekki er fordæmi fyrir í sögu ESB. Aldrei áður hefur umsóknarþjóð lagt upp með það að markmiði að fá varanlega undanþágu frá frumrétti ESB. Það er hins vegar staðan með Ísland.