Ousmane Dembele hefur verið vægast sagt slakur hjá Barcelona frá því að hann kom til félagsins fyrir tveimur árum. Barcelona gerði hann þá að dýrasta leikmanni í sögu félagsins.

Dembele er 22 ára gamall en forráðamenn Barcelona eru að fá algjört ógeð af Dembele, hann leggur sig lítið sem ekkert fram.

Forráðamenn Barcelona segja að Dembele sé latur, spili alltof mikið af tölvuleikjum og borði bara rusl fæði.

Þetta sé ástæða þess að hann nái ekki árangri hjá félaginu. Hann er mikið meiddur og verður frá í einhvern tíma núna. Dembele meiddist um síðustu helgi en í stað þess að mæta í sjúkraþjálfun, þá fór hann til Frakkland. Hann svaf á flugvelli sem hjálpaði ekki meiðslum hans.

Á síðustu leiktíð mætti Dembele ekki á æfingu, þegar hann var spurður um ástæðu þess. Sagðist hann vera með verk í maganum, hann lét ekki vita vegna þess að sími hanns var ekki með hleðslu. Þegar læknir Barcelona mætti þá heim til hans, hafði Dembele náð svakalegum bata. Á mjög skömmum tíma.

Didier Deschamps þjálfari Frakklands hefur líka fengið nóg af leti Dembele og hefur gagnrýnt hann opinberlega.

Ungur að aldri virðist Dembele ekki ætla að nýta hæfileika sína og forráðamenn Barcelona vilja nú fara að reyna að losa sig við hann.