Valur vill losna við Gary Martin. Þetta staðfesti Ólafur Jóhannesson, þjálfari Vals í samtali við 433.is í dag.

Gary gekk í raðir Vals í janúar og gerði þriggja ára samning. Eftir þrjár umferðir í Pepsi Max-deildinni vill Valur nú losna við framherjann.

Meira:
Gary Martin í áfalli: Leikmenn Vals trúa ekki hvað er í gangi – ,,Valur hefur sett mig í mjög erfiða stöðu“

Tíðindin koma talsvert á óvart því ekki eru nema rúmir fjórir mánuðir síðan að Valur setti allt sitt traust á breska framherjann. ,,Ég er búinn að tilkynna honum að hann megi finna sér nýtt félag, Gary er fínn drengur og búinn að standa sig vel. Hann hentar ekki okkar leikstíl,“ sagði Ólafur í samtali við 433.is í dag.

Í janúar þegar Gary skrifaði undir hjá Val, var annað hljóð í þjálfaranum. Hann hafði lengi reynt að fá hann. ,,Hann er frábær fótboltamaður, við höfum reynt að fá hann oft og mörgum sinnum. ÞAnnig að ég er mjög sáttur við að fá hann,“ sagði Ólafur við 433.is eftir að Gary hafði skrifað undir.

Valur missti Patrick Pedersen, sem var besti leikmaður deildarinnar. Gary var fyrsta nafnið sem Ólafur vildi fá.

,,Hann var fyrsti maður sem kom upp í hausinn þegar Patrick fór, það var nákvæmlega þannig“

Viðtalið má sjá hér að neðan.