,,Ég varð svo heppin að fá að taka minn fyrsta flugulax í Jöklu fyrir nokkrum dögum,“ sagði Bára Pétursdóttir í samtali við Veiðipressuna og bætti við að hún hefði tekið  sinn maríulax þar á spún í fyrra en þetta hefði bara allt annað dæmi.

,,Við vorum að veiða á svæði 3. Hófu veiðina á Pöllunum og fórum svo á Teigsbrotið og fleiri staði þarna í kring. Reistum nokkra og fengum tvær tökur og svo var bara rólegt. Flökkuðum um á aðra staði en ákváðum svo að fara aftur á Pallana og í Teigsbrotið rétt fyrir hádegishlé,“ sagði Bára.

Hún sagðist hafa farið sjálf á Teigsbrotið ásamt öðrum stjúpsyni mínum og maðurinn og hinn strákurinn fóru á Pallana. Hún hefði ekki verið neitt vongóð á að fá fisk.  Í þessari ferð get ég alveg viðurkennt það en kastaði og hafði gaman. Ég var búin að kasta nokkru sinnum yfir brotið. Þá allt í einu á dauðarekinu sé ég að línan mín strekkta. Ég vissi ekki alveg hvað ég átti að gera og prufaði að taka aðeins í stöngina. Þá fann ég að fiskurinn æstist upp og þá reisti ég alveg  stöngina og gargaði á stjúpsoninn EINAR!! hvað á ég að gera?

,,Svo sé ég að hann hleypur eitthvað í burtu. Ég segi bara ekki skilja mig eftir eina og datt í smá svona panik þar sem að ég hef aldrei fengið fisk á flugu. Svo sé ég að þeir koma allir hlaupandi. Maðurinn minn sem er leiðsögumaður í Breiðdalsá hjálpaði mér að koma þessari fallegu hrygnu á land. Þetta var svona um það bil tíu mínútna barátta sem mér fannst samt vera miklu miklu lengri. Ég verð að viðurkenna að það kom skemmtilega á óvart hvað þessir fiskar eru sterkir. Hrygnan var 84 cm og tók Blue Striker eftir Eið Valdimarsson frá Bolungarvík. Ég hlakka hressilega til að taka fleiri laxa í sumar,“ sagði Bára ennfremur.

Mynd. Bára Pétursdóttir með fyrsta flugulaxinn sinn í Jöklu.