,,Fjölskyldan er að ljúka árlegri veiðiferð í Fljótaá í Fljótum og þetta hefur verið meiriháttar í alla staði. Hérna hefur verið flott lið að veiða í ánni á öllum aldri og veiðin hefur verið góð,“ sagði Ingvi Hrafn Jónsson sem mest kokkaði og passaði barnabörnin í veiðitúrnum. Enda nokkur ár síðan að hann sagðist vera hættur að veiða á stöng.
,,Við fengum flottar bleikjur og svo slapp einn lax af í Berghylnum, líklega í kringum 10 pundin. Já, þetta var frábær ferð,“ sagði Ingvi Hrafn sem sagði að hann ætlaði að byrja þáttinn sinn Hrafnaþing með haustinu þegar veiðimenn væru að draga inn færið eftir sumarið.
Mynd. Frábær hópur veiðimanna við Fljótaá með ána í baksýn. Mynd Haddi