Fulltrúi Útlendingaeftirlits Bandaríkjanna, ICE, skaut konu til bana í Minneapolis í dag. Konan, sem var 37 ára gömul, sat við stýri í bílnum sínum en fjöldi mynbanda af atvikinu er nú í dreifingu á metinu.

Á myndskeiðunum má sjá stóran jeppa sem lokar íbúagötu. Nærri stendur hópur mótmælenda. Þá koma að lögreglubifreiðar og fulltrúar útlendingaeftirlitsins. Þeir fara að jeppanum og skipa konu, sem situr þar ein, að yfirgefa bifreiðina. Konan virðist ekki hafa farið að fyrirmælum og þess í stað reynt að aka áfram. Við þetta hóf einn fulltrúinn skothríð og skýtur konuna í höfuðið, en við það missir hún stjórn á jeppanum og klessir á annan bíl. Vitni heyrast svo öskra á fulltrúa ICE að hann hafi myrt konuna.

To all of the MAGA Republicans and ICE defenders who are claiming that this woman in Minneapolis, Minnesota, tried to run ICE officers over with her car before they shot and killed her, here is the actual video.

As you can clearly see, there are three ICE officers to the side of… pic.twitter.com/mWLV0mYVZR

— Ed Krassenstein (@EdKrassen) January 7, 2026

Borgarstjóri Minneapolis, Jacob Frey, segist ekki kaupa þá skýringu stjórnvalda að ICE hafi verið sent til borgarinnar til að gæta að öryggi íbúa. Þetta sé yfirskin. Tilgangurinn sé að stuðla að mótmælum og óeirðum til að réttlæta það að grípa til herlaga. „Drullið ykkur frá Minneapolis,“ sagði Frey í skilaboðum til ICE á blaðamannafundi.

Hvíta húsið brást illa við ásökunum borgarstjórans og kallar hann skítseiði í yfirlýsingu þar sem honum er sagt að skammast sín. ICE hafi losað Minneapolis við stórhættulega glæpamenn.

Að sögn lögreglu var hin látna hvít kona á miðjum aldri og ekkert bendir til þess að útlendingaeftirlitið hafi átt við hana nokkuð erindi. Hún virðist hafa setið í bíl sínum og lokað þannig fyrir umferð. Lögreglustjórinn, Brian O’Hara, segir það áhyggjuefni að óvopnaður einstaklingur í bifreið hafi verið skotinn til bana. Lögreglan hafi óttast að tilvik sem þetta kæmi upp eftir að ICE-liðar voru sendir til borgarinnar. Nú óttast lögregla frekari stigmögnun og hvetur fólk til stillingar.

You can see that he was fully extended & not in arms way. She was driving away. pic.twitter.com/zWdsV7cEMv

— 🥑GA Avocado Junkie #CompassionMatters🟧🏳️‍🌈 (@exblonde21) January 7, 2026

Konan lést aðeins fáeinum götum frá staðnum þar sem George Floyd lét lífið í haldi lögreglu árið 2020 sem leiddi til fjölmennra og harðra mótmæla gegn framkomu lögreglunnar í garð svartra.

ICE vill meina að konan hafi sjálf borið ábyrgð á atvikinu. Hún hafi ógnað lífi fulltrúa ICE með því að gera sig líklega til að aka yfir hann. Heimavarnaráðherra Bandaríkjanna, Kristi Noem, gengur svo langt að kalla konuna hryðjuverkamann.

Ríkisstjórinn Tim Walz segist hafa séð myndbönd af atvikinu og biður fólk um að falla ekki fyrir áróðri ráðuneytisins.

NBC ræddi við vitni að atvikinu, en þau segja að ekkert hafi bent til þess að konan hafi reynt að aka yfir ICE-fulltrúann.

„Ég er frekar hægrisinnaður en að sjá þetta, þetta er ekki það sem við þurfum. Þetta er ekki hvernig á að gera þetta. Þetta er ekki hvernig við gerum hlutina hér í Bandaríkjunum,“ sagði eitt vitnið.

Annað vitni sagðist hafa heyrt ummæli heimavarnaráðherrans og vildi koma því skýrt á framfæri að það væri nóg bil á milli fulltrúans sem skaut konuna og bílsins. Fulltrúinn hafi ekki verið í nokkurri hættu. Konan hafi ekki ætlað sér að skaða neinn heldur var hún að reyna að flýja.

Enn annað vitni segir í samtali við staðarmiðilinn MPR að hún hafi vaknað við læti fyrir utan heimili sitt. Hún sá jeppa stöðva umferð fyrir utan og taldi ljóst að um mótmæli gegn ICE væri um að ræða. Fulltrúi ICE hafi skipað ökumanni bifreiðarinnar, konu, að yfirgefa bílinn.

„Hún reyndi þá að snúa bílnum við, fulltrúi Ice var fyrir framan bílinn og tók upp byssu og miðaði henni beint – mitti hans var við stuðara bifreiðarinnar – og svo teygði hann sig yfir húddið og skaut hana í andlitið svona 3-4 sinnum.“

ABC News hefur það eftir borgarráðsfulltrúanum Jason Chavez að hin látna sé bandarískur ríkisborgari. Hún hafi stöðvað umferð til að verja samfélag innflytjenda í Minneapolis.

ICE murdered an American citizen and legal observer in broad daylight today. The video of the incident clearly shows that officers fired shots as the victim was driving away from the scene and not towards law enforcement.

Congress must investigate this, end qualified immunity… https://t.co/FoO728fbxz

— Rep. Nadler (@RepJerryNadler) January 7, 2026

ICE’s actions today were unconscionable and reprehensible. I am beyond outraged that their reckless, callous actions led to the killing of a legal observer in Minneapolis. My heart breaks for the victim’s family, who will have to forever live with the pain caused by the Trump…

— Rep. Ilhan Omar (@Ilhan) January 7, 2026

Fréttin hefur verið uppfærð