Víðast hvar í heiminum er reynt að lokka ferðamenn í heimsókn enda koma þeir með peninga með sér og skapa atvinnu og hagvöxt. En á vinsælum spænskum eyjum á borð við Mallorca og Ibiza hefur fólk fengið meira en nóg af ferðamönnum og nú er reynt að fæla þá frá að koma í heimsókn.

Mallorca Daily Bulletin skýrir frá þessu og segir að yfirvöld hafi ákveðið að takmarka flug til eyjanna í sumar. Ástæðan er að burðarþol eyjanna er fullnýtt hvað varðar fjölda ferðamanna.

Það verður ekki bara látið nægja að fækka flugferðum, því gistináttaskatturinn verður hækkaður um 2 evrur á nótt og einnig verður verðið á bílaleigubílum hækkað.

Á síðasta ári flugu 15,7 milljónir farþega til eyjanna.