fbpx
Fimmtudagur 31.júlí 2025
Pressan

Læknir um krabbamein Bidens – „Ég er dálítið hissa“

Pressan
Mánudaginn 19. maí 2025 12:30

Joe Biden. Mynd:Getty

Ekki missa af Helstu tíðindum dagsins í pósthólfið þitt

Lesa nánar

Nokkrir af fremstu læknum Bandaríkjanna hafa hafa lýst undrun sinni á því hvers vegna krabbameinið sem Joe Biden, fyrrverandi Bandaríkjaforseti, er með greindist ekki fyrr.

Skrifstofa forsetans fyrrverandi greindi frá því í gær að hann hefði greinst „agressíft“ mein í blöðruhálskirtli og meinvörp í beinum. Biden mun hafa farið til læknis í síðustu viku vegna einkenna frá þvagfærum og fundu læknar þá hnúð á blöðruhálskirtlinum.

Í fréttum bandarískra fjölmiðla kom fram að meinið hefði fengið einkunnina 9 á hinum svokallaða Gleason-kvarða sem notaður er til að meta hversu árásargjarnt krabbamein í blöðruhálskirtli er.

Mail Online hefur eftir Dr. Howie Forman, prófessor við Yale-háskóla, að niðurstöður PSA-mælingar (e. Prostate Specific Antigen) gefi til kynna að Biden hefði verið með krabbameinið „í einhvern tíma áður en það greindist“ miðað við það hversu árásargjörn tegundin er.

Segir hann það undarlegt að sjúkdómurinn væri að greinast fyrst á þessu stigi – sérstaklega í ljósi þess að Biden hefur haft fyrsta flokks aðgang að heilbrigðisþjónustu á síðustu árum.

Dr. Marc Siegel, sem fréttastofa Fox ræddi við, segir það einnig undarlegt að meinið hafi fyrst uppgötvast með þreifingu á blöðruhálskirtli. „Yfirleitt sjáum við hækkað PSA-gildi og eltum það svo uppi,“ segir hann og bætir við að hann skoði alla sína sjúklinga, sem komnir eru yfir 45 ára aldur, með tilliti til sjúkdómsins.

Bendir hann á að í tilfelli Bidens hafi læknar fyrst gert sýnatöku eftir að hann kvartaði yfir þvagvandamálum og það sé merki um að meinið hafi þegar breiðst út. Siegel segir að einkenni sjúkdómsins séu oft lítil sem engin í byrjun.

„En hann hlýtur að hafa fengið þá bestu umönnun sem völ er á. Ég er dálítið hissa á að þetta sé svona langt gengið,“ segir hann. „Það væri mjög ótrúlegt ef þeir hefðu ekki fylgst náið með þessu því læknar vita að þetta er sú tegund krabbameins sem virkilega þarf að leita eftir hjá körlum.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Er farið að slá út fyrir forsetanum? – Orð og nöfn sem Trump hefur gleymt eða segist hafa fundið upp

Er farið að slá út fyrir forsetanum? – Orð og nöfn sem Trump hefur gleymt eða segist hafa fundið upp
Pressan
Fyrir 2 dögum

Prestur ákærður fyrir fjársvik eftir að „guð sagði honum“ að selja söfnuði sínum verðlausa rafmynt

Prestur ákærður fyrir fjársvik eftir að „guð sagði honum“ að selja söfnuði sínum verðlausa rafmynt
Pressan
Fyrir 3 dögum

Umdeild þingkona stendur með syni sínum sem er sakaður um að vanrækja barn sitt

Umdeild þingkona stendur með syni sínum sem er sakaður um að vanrækja barn sitt
Pressan
Fyrir 3 dögum

Neitað að fara um borð vegna of stórrar tösku – Atvikið rataði á dagskrá þingsins

Neitað að fara um borð vegna of stórrar tösku – Atvikið rataði á dagskrá þingsins