Þetta eru niðurstöður nýrrar rannsóknar sem sýndi að þátttakendur, sem veita símanum mikla athygli, eru mun líklegri til að skorta líkamsvitund.
Videnskab.dk skýrir frá þessu.
„Þetta er sama mynstur og sést við fíknisjúkdómum á borð við spilafíkn,“ sagði Ysuke Haruki, doktor við Tókýóháskóla, í samtali við Medical Xpress. Hann er aðalhöfundur rannsóknarinnar sem hefur verið birt í vísindaritinu Communications Psychology.
58 ungar manneskjur tóku þátt í rannsókninni. Átti fólkið að finna bókstafi á skjá eins hratt og hægt var. Í bakgrunninum voru farsímatengdar myndir eða myndir sem voru óskýrar og ruglingslegar.
Sum verkefnin tengdust snjallsímum en um helmingur þátttakendanna lét snjallsímamyndirnar trufla sig og stóð sig verr. Þetta átti einnig við um verkefni sem tengdust snjallsímum ekki neitt.
Yusuke sagði að þeir þátttakendur, sem snjallsímarnir trufluðu mest, hafi ekki aðeins staðið sig verr við að leysa verkefnin, hjartsláttur þeirra hafi aukist þegar þeir sáu þessar myndir.
Þrátt fyrir hraðari hjartslátt voru þátttakendurnir ekki eins vakandi yfir merkjum frá líkamanum. Þetta kom í ljós þegar þeir svöruðu spurningalista að tilrauninni lokinni.
