Þetta ákváðu vísindamenn við Max Planck stofnunina í Þýskalandi að rannsaka og komust þeir að því að svarið við þessu er að finna í heilanum. Fox News skýrir frá þessu.
Vísindamennirnir rannsökuðu af hverju marga virðist stöðugt langa í sykurvörur, jafnvel eftir að þeir hafa borðað stóra máltíð.
„Við vildum öðlast skilning á, af hverju okkur langar í sykruð matvæli, meira að segja þegar við erum södd,“ sagði Henning Fenselau, aðalhöfundur rannsóknarinnar.
Hann og samstarfsfólk hans komst að því að það eru sömu taugafrumurnar sem segja okkur að við séum södd og virkja síðan sykurþörfina. „Þetta var mjög óvænt uppgötvun,“ sagði Fenselau.
Tilraunir voru gerðar á músum og kom í ljós að mýsnar borðuðu sæt matvæli þrátt fyrir að vera eiginelga saddar. Fylgst var með heilastarfsemi þeirra og kom í ljós að ákveðin hópur taugafruma, POMC, báru ábyrgð á þessu.
Þegar mýsnar komust í sykur, þá urðu þessar taugafrumur virkar og örvuðu þörfina fyrir sætindi.
Tilraunir á fólki sýndu svipaða niðurstöðu. Sama svæði heilans brást við sykurneyslu en á þessu svæði eru margir móttakarar fyrir mettunartilfinningu.
Vísindamennirnir telja að þessi uppgötvun þeirra geti komið að gagni í baráttunni við offitu og sykurþörf. Fenselau sagði að þar sem sykur sé alls staðar, þá geti þetta svæði heilans verið virkt allan tímann.
