Nú styttist í að tveir geimfarar, sem hafa verið fastir í Alþjóðlegu geimstöðinni í níu mánuði, komi aftur til jarðarinnar. En þeir munu þurfa að takast á við sársaukafullt vandamál þegar til jarðarinnar er komið.

Metro segir að líklega hafi geimfararnir tveir, þau Suni Williams og Butch Wilmore, hafi þróað svolítið, sem er þekkt sem „barnsfætur“ á meðan á dvölinni hefur staðið. Þetta er að iljar geimfaranna verða mjúkar eins og barnsfætur.

Þetta getur valdið miklum sársauka þegar gengið er þegar komið er aftur til jarðarinnar. Húðin þarf tíma til að harðna og styrkjast á nýjan leik.

Williams og Wilmore áttu upphaflega að dvelja í átta daga í geimstöðinni en vegna tæknilegra vandamála með geimfar þeirra, þá hafa þau setið föst þar í níu mánuði.

En nú er áætlað að þau snúi aftur til jarðarinnar í þessari viku.

Þegar við göngum um hér á jörðinni, verða fæturnir fyrir stöðugum þrýstingi og nuddi, sem gerir húðina á iljunum þykkari. Þetta verndar iljarnar fyrir húðeyðingu og okkur fyrir óþægindum þegar við göngum. En þar sem það er ekkert þyngdarafl í geimnum, þá verða fætur geimfara ekki fyrir neinum þrýstingi og eftir sex til tólf mánuði, þá er þykka húðin á iljunum horfin.