Þegar Bretinn Steven Paul McInally fór í frí til Flórída í ágúst 2023 var hann stöðvaður af landamæravörðum á alþjóðaflugvellinum í Orlando. Þeir skipuðu Steven, sem er 36 ára, að opna farsímann sinn. Í kjölfarið var hann handtekinn og í síðustu viku var hann dæmdur í 25 ára fangelsi.

Steven, sem átti leikjaland í Glasgow, var með tæplega 4.000 barnaklámsmyndir í símanum og 70 barnaklámsmyndbönd.

Mirror segir að hluti af myndefninu hafi verið af börnum sem höfðu gist á heimili hans.

Steven var dæmdur í 25 ára fangelsi fyrir að hafa verið með barnaklám í fórum sínum. Hann játaði sök.