Sky News tók saman það sem vitað er um loftsteininn og hugsanlegan árekstur hans við jörðina, þar á meðal hvaða afleiðingar sá árekstur mun hafa.
Í kjölfar þess að loftsteinninn uppgötvaðist í desember síðastliðnum voru eftirlits- og viðvörunarkerfi geimferðastofnana virkjuð vegna möguleikans á að hann lendi í árekstri við jörðina.
Í upphafi var talið að 1,2% líkur væru á árekstri en ekki leið á löngu þar til líkurnar voru hækkaðar í 2,3%. Það eru auðvitað ekki miklar líkur þannig séð en rétt er að hafa í huga að aðeins einu sinni áður hefur hættan á árekstri loftsteins við jörðina verið metin meiri.
Hvenær gæti áreksturinn orðið og hvar?
Ef til áreksturs kemur, þá er talið að hann verði klukkan 13.02, að íslenskum tíma, þann 22. desember 2032. Þessi tímasetning mun væntanlega breytast í samræmi við nákvæmari útreikninga á braut loftsteinsins.
NASA segir að loftsteinninn muni væntanlega skella á jörðinni frá svæði sem telur austurhluta Kyrrahafs, norðurhluta Suður-Ameríku, Atlantshaf, Afríku, Rauðahafið og sunnanverða Asíu.
Það sem er vitað um loftsteininn
Talið er að 2024 YR4 sé á milli 40 og 90 metrar í ummál. Hann er líklega frekar úr steinum en harðari efnum á borð við járn. Þetta getur skipt miklu máli því þetta þýðir að hann getur brotnað upp í minni hluta þegar hann kemur inn í gufuhvolf jarðarinnar að sögn Luca Conversi, hjá Evrópsku geimferðastofnuninni ESA.
Interesting situation – if the probability remains this high then we will have to make a decision on preparing a deflection mission – which would be a good investment even if (as is most likely) we don’t need to use it this time. It’s as if the Universe has decided to do an… https://t.co/Leic2rdLaU
— Brian Cox (@ProfBrianCox) February 8, 2025
Loftsteinninn er nú á þriðja stigi Torino Impact Hazard skalans en það er skali sem er notaður til að ákvarða hversu mikil hætta er á að loftsteinn lendi í árekstri við jörðina. Þriðja stig er skilgreint sem svo að líkur séu á árekstri og að stjörnufræðingar þurfi að fylgjast með loftsteininum því það séu meira en 1% líkur á árekstri sem gæti valdið eyðileggingu. Skalinn er frá 0 til 10. O þýðir að það eru engar eða nánast engar líkur á árekstri en 10 þýðir að það sé öruggt að árekstur verði með tilheyrandi eyðileggingu og hörmungum hér á jörðinni.
Hversu miklum skaða gæti hann valdið?
NASA segir að ef til áreksturs kemur, þá verði hraði loftsteinsins um 61.000 km/klst. Ef ummál hans er 40 metrar myndi verða sprenging sem myndi brjóta rúður en í heildina yrði tjónið lítið.
Ef ummálið er hins vegar 90 metrar þá er um loftstein að ræða sem gæti gjöreytt stórborg ef hann lenti á henni. Nokkrar slíkar eru á svæðinu sem hann gæti lent á.
While still an extremely low possibility, asteroid 2024 YR4's impact probability with Earth has increased from about 1% to a 2.3% chance on Dec. 22, 2032. As we observe the asteroid more, the impact probability will become better known. More: https://t.co/VWiASTMBDi pic.twitter.com/Z1mpb4UPaC
— NASA Asteroid Watch (@AsteroidWatch) February 7, 2025
