Donald Trump Bandaríkjaforseti gekk fram af flestum með furðulegri færslu sinni á Truth Social um lát leikstjórans Rob Reiner og eiginkonu hans Michele Reiner. Hjónin fundust myrt á heimili sínu og er sonur þeirra grunaður um ódæðið.

Í færslu sinni virtist hlakka í Trump yfir láti leikstjórans sem svíður ummæli hans um sig og rakti hann lát hjónanna til meintrar þráhyggju Reiners um sig, eða nánar tiltekið til ólæknandi reiði sem rekja megi til andlegs sjúkdóms sem beri heitið „Trump Derangement Syndrome“.

Rob Reiner fylgdi demókrötum að málum og gagnrýndi forsetann oft harðlega.

Á blaðamannafundi í gærkvöld var Trump spurður út í þessi ummæli og þá svaraði með því að segja að Reiner hefði verið andlega truflaður maður og slæmur fyrir landið. Gaf semsagt ekkert eftir heldur bætti í.

Þessi framganga forsetans hefur vakið gífurlega reiði og hneysklun, ekki síst á meðal listamanna. Metro tekur þetta saman og greinir meðal annars frá ummælum tónlistarmannsins Jack White í White Stripes sem segir: „Trump, þú viðbjóðslegi mikilmennskubrjálæðingur, krakki. Hvorki hann né nokkur fylgjenda hans geta varið þess grófu og hryllilegu árás á fallegan lisamann sem gaf heiminum svo mikið.“

„Að nota sorglegan dauðdaga einhvers til að auglýsa eigin hégóma og fasísk áform er spillt og narsissísk synd. Skammastu þín Trump og allir sem verja þetta.“

Leikkonan Whoppi Goldberg spyr Trump hvort hann hafi enga sómakennd og hvort hægt sé að sökkva dýpra. Hún telur ekki svo vera.

Jafnvel sjónvarpsmaðurinn Piers Morgan, sem oft hefur verið vinveittur forsetanum, fordæmir ummálin. Hann skrifar:

„Þetta voru skelfileg ummæli. Eyddu þessu, herra forseti.“