Blanca Ojanguren Garcia, 22 ára spænsk kona, lést í síðustu viku þegar fíll stangaði hana til bana. Hún var að þvo fílnum í Koh Yao Elephant Care & House, sem er fílaathvarf, í Taílandi þegar fíllinn stangaði hana með vígtönnum sínum.

Metro segir að sérfræðingar telji að fíllinn geti hafa ráðist á Blanca vegna þess að hann hafi verið stressaður yfir að hafa þurft að vera nálægt fólki.

Það er vinsælt meðal ferðamanna að þvo og baðast með fílum í Taílandi.

Blanca var skiptinemi í Taílandi.

Fílaathvarfið er á Ko Yao Yai eyjunni sem er miðja vegu á milli Phuket og Krabi.  Eyjan er þekkt fyrir sandstrendur, gúmmíekrur og fiskiþorp.