Tæpum tveimur árum eftir andlát söngkonunnar Tinu Turner kemst hún aftur í heimsfréttirnar. Ástæðan er að óútgefið lag, sem var týnt í rúmlega 40 ár, fannst skyndilega.

CNN og Rolling Stone skýra frá þessu og segja að lagið heiti „Hot for You Baby“ og hafi átt að vera á plötunni „Private Dancer“ sem var gefin út 1984.

Það var hætt við að hafa lagið á plötunni og upptakan hvarf en nú er fundin. Hún fannst í tengslum við gerð afmælisútgáfu af „Private Dancer“.

Ekki er vitað af hverju upptakan hvarf og á opinberri YouTube-rás Tinu Turner kemur eingöngu fram að „talið hafi verið að upptakan væri glötuð“.

Lagið var flutt í fyrsta sinn opinberlega í síðustu viku í morgunþætti hjá BBC.