Jilani segir að þegar kaffi er drukkið á fastandi maga, þá geti það valdið pirringi í honum og aukið framleiðslu á magasýrum. Það getur í versta falli valdið súru bakflæði og brjóstsviða.
Jilani bendir einnig á að maginn geti orðið viðkvæmari með aldrinum og að þrátt fyrir að maður taki kannski ekki eftir neinum einkennum, þá geti langvarandi kaffidrykkja á fastandi maga valdið vandamálum síðar.
Til að koma í veg fyrir þetta segir Jilani að rétt sé að bíða með að fá sér kaffi í að minnsta kosti klukkutíma eftir að maður vaknar. Þessi klukkutími gefi kortisólmagninu í líkamanum tíma til að aukast en það hjálpar þér við að vakna á náttúrulegan hátt. Hún ráðleggur fólki líka að borða eitthvað áður en byrjað er á kaffinu, það verndi magaslímhimnuna.
Hún segir að fólk eigi einnig að íhuga hvort það geti ekki látið vera að drekka fyrsta kaffibollann fyrr en einni og hálfri klukkustund eftir að það vaknar því það tryggi jafnara orkustig yfir daginn í staðinn fyrir orkuhrunið sem geti fylgt snemmbúnu koffínskoti.
Kaffi getur verið áskorun fyrir þá sem eru með viðkvæma þvagblöðru. Koffín er vatnslosandi og hefur því tíðari salernisferðir í för með sér. Jilani ráðleggur þeim, sem glíma við þetta, að prófa koffínlaust kaffi eða kaffi með litlu koffíni.
Hún ráðleggur fólki líka að forðast kaffidrykkju eftir miðjan dag til að koma í veg fyrir svefnvandamál.
