Lögreglan í Pueblo í Colorado í Bandaríkjunum hefur að undanförnu leitað að systkinunum Jesus Dominguez og Yesenia Dominguez en þeirra hefur verið saknað síðan 2018. Þau sáu síðast sumarið 2018 en þá voru þau fimm og þriggja ára.

Þann 10. janúar síðastliðinn fann lögreglan lík í steypuklumpi sem var geymdur í geymsluhúsnæði. Geymslurými eru leigð út í húsnæði og fundust líkamsleifarnar í kjölfar þess að verið var að hreinsa út úr einu geymslurýminu.

Samkvæmt frétt Sky News þá sagði Franlyn Ortega, talsmaður lögreglunnar, að líkamsleifarnar hafi verið í málmgámi sem var fullur af steypu.

Hann sagði að ekkert hafi sést til systkinanna og að engar vísbendingar séu um hvar þau geta verið. Jesus er 10 ára ef hann er á lífi og Yesenia 9 ára.

Lögreglan hefur rætt við foreldra þeirra en þau tilkynntu ekki sjálf um hvarf barnanna.

Ekki liggur fyrir hvort líkamsleifarnar í steypunni eru af öðru hvoru barninu eða þeim báðum.