Ljósmynd, sem Harry Seager birti á samfélagsmiðlum, olli miklu fjaðrafoki og vakti miklan áhuga. Myndin er af Marssúkkulaði, sem hann keypti sér, sem var alveg slétt en eins og kunnugt er þá er Marssúkkulaði rifflað.

BBC segir að hann hafi birt myndina í Facebookhópnum „Dull Men‘s Club“.

Hann sagði að framleiðandi súkkulaðisins, Mars Wrigley UK, hafi ekki gefið honum neina skýringa á af hverju súkkulaðið leit svona út en sumir þeirra sem hafa tjáð sig um myndina segja að það hafi líklega sloppið framhjá heitum blæstri í framleiðsluferlinu.

Mars hefur fallist á að greiða honum bætur upp á heil 2 pund vegna málsins og er hann hæstánægður með það að sögn BBC. Hann sagði í samtali við miðilinn að hann geti keypt sér tvö súkkulaðistykki fyrir þessi tvö pund.