Hlutar af Suðurskautslandinu verða grænni hraðar en talið var að þeir yrðu af völdum loftslagsbreytinganna. Gervihnattarmyndir sýna að þau svæði, sem eru þakin gróðri, hafa stækkað mjög mikið og eru nú tíu sinnum stærri en fyrir áratug og enn bætir í hraðann.

Sky News skýrir frá þessu og segir að 1.300 kílómetra svæði á nyrsta hluta heimsálfunnar gæti orðið útsett fyrir komu ágengra tegunda vegna þessara breytinga.

Miðað við gervihnattarmyndir þá er svæðið nær algjörlega þakið snjó, ís og steinum og plöntur vaxa aðeins á örsmáum hluta þess en þetta „örsmáa svæði hefur stækkað gríðarlega mikið“.

Á einu svæði uxu plöntur á tæplega einum ferkílómetra 1986 en uxu á 12 ferkílómetrum 2021.

Hraði þessara breytinga jókst um 30% frá 2016 til 2021 að sögn vísindamann sem hafa rannsakað þetta.