Það eru margar mýtur til um að það sé hægt að sjá hversu stór getnaðarlimur karla er, til dæmis út frá því hversu langir fingur hans eru eða hversu stórir fæturnir eru. En vísindamenn hafa sýnt fram á að þetta á ekki við rök að styðjast. En það er þó ein leið til að segja til um hversu stór „vinurinn“ er án þess að sjá hann.

Læknirinn Rena Malik sagði nýlega í hlaðvarpinu „Diary of a CEO“ að aðeins ein alvöru rannsókn hafi verið gerð á þessu og að niðurstaða hennar hafi verið skýr.

„Það er ein rannsókn, japönsk, þar sem aðeins japanskir karlmenn tóku þátt, svo hún er að vissu leyti takmörkuð, en þeir mældu alla líkamshluta og lengd limsins. Þeir komust að því að það er fylgni á milli stærðar nefsins og getnaðarlimsins,“ sagði hún.