Við fáum aðeins eitt sett af tönnum þegar við skiptum barnatönnunum út. Það er því mjög mikilvægt að hugsa vel um þær en því miður eru ekki allir sem gera það. Margir hugsa lítið út í það hvað er skaðlegt fyrir þær og það getur reynst dýrkeypt þegar upp er staðið.

Ef þú vilt hugsa eins vel um tennurnar og hægt er, þá eru ákveðin matvæli sem þú þarft að forðast að borða.

Tannlæknar segja að meðal þessara matvæla séu einnig nokkur, sem koma mörgum á óvart, en sé þess virði að halda sig frá ef vernda á tennurnar sem allra best.

Ís er meðal þessara fæðutegunda en sérfræðingar hjá American Dental Association ráða fólki frá því að borða ís. Ís er nú yfirleitt góður á bragðið en tannlæknar segja að hann skemmi glerunginn og geti jafnvel brotið tennurnar. TipHero skýrir frá þessu. Þetta ráð tannlæknanna á raunar aðeins við ef þú tyggur ísinn. Þannig að ef þig langar í ís, þá skaltu ganga úr skugga um að hann sé ekki of frosinn, ef hann er það, getur hann valdið tannskemmdum.

Hálstöflur eru líka á lista tannlækna yfir það sem á að forðast að sögn Business Insider sem hefur eftir Dr. Burhenne, hjá AskADentist.com, að það að sjúga hálstöflu hafi í för með sér að tennurnar séu baðaðar í sykri og sýru í mjög langan tíma.

Saltað kex er einnig á lista Dr. Burhenne yfir óæskilega fæðu hvað varðar tannheilsuna. Ástæðan er að kexið inniheldur mikið af forunninni sterkju og erfðabreyttum efnum sem geri að verkum að það geti gert holur í tennurnar.

Sítrusávextir eru einnig á listanum og kemur það kannski ekki mörgum á óvart. Ástæðan er að mjög súr mætvæli, til dæmis sítrónur og grape, eyða tönnunum með tímanum og geta valdið sársaukafullum sárum í munninum. AskADentist.com ráðleggur fólki að drekka mikið af vatni ef það neyti sítrusávaxta.

Kartöfluflögur en eins og saltað kex þá eru þær fullar af sterkju og erfðabreyttum efnum sem valda skemmdum á tönnunum. Þær festast oft í tönnunum og út frá því skemmast tennurnar. Ef þú getur ekki haldið þig frá þeim, þá er gott að nota tannþráð þegar búið er að innbyrða skammtinn.