Í byrjun mánaðarins réðust píranafiskar á átta ferðamenn, sem voru að busla í á vinsæls ferðamannastaðar. Fiskarnir bitu fólkið í fótleggi og fætur  og flúði fólkið upp úr til að sleppa frá þeim.

Live Science segir að þetta hafi gerst á ferðamannastað í Taruma–Acu.

Sérfræðingar telja að fiskarnir hafi ráðist á fólkið fyrir mistök því þeir hafi í raun verið að leita að mat sem gestir á veitingastað, sem er í nágrenninu, henda oft í ána.

Steve Huskey, prófessor í líffræði við Western Kentucky University, sagði að píranafiskar ráðist almennt ekki á fólk upp úr þurru. Lýsingarnar á atburðarásinni bendi til að fiskarnir hafi verið orðið mjög vanir því að fá mat og hafi einfaldlega ráðist á fólkið fyrir mistök.