Fornleifafræðingar gerðu nýlega merka uppgötvun í Tyrklandi. Þeir voru við uppgröft í Doliche, sem er forn rómversk borg nærri Gaziantep í suðurhluta landsins. Þar fundu þeir rúmlega 2.000 leirstimpla sem embættismenn notuðu til að innsigla opinber skjöl.

Stimplarnir eru 5 til 20 mm að stærð. Þeir voru notaðir til að innsigla papírus og önnur skjöl úr húð kinda og geita. Sérhver stimpill er með mynd af guði eða trúartákni.

Michael Blömer, sem vann við uppgröftinn, sagði Live Science að stimplarnir hafi verið notaðir til að innsigla skjöl. Þegar það var gert hafi stimplinum verið dýft í leir og síðan þrýst á skjalið.

Doliche var eitt sinn mikilvæg trúarleg miðstöð og var helgur staður rómverska guðsins Jupiter Dolichenus sem var guð skýja og þruma.

Stimplarnir fundust í rústum skjalasafns borgarinnar en það var notað frá miðri annarri öld og fram á miðja þriðju öld eftir Krist.