Harry prins virðist ekki draga neitt undan í nýrri bók sinni, Spare, þar sem hann fer yfir víðan völl um lífshlaup sitt. Hann segir þar meðal annars frá slagsmálum við Vilhjálm bróður sinn, að hann hafi notað kókaín og fellt 25 manns þegar hann gegndi herþjónustu í Afganistan.

Hann skýrir einnig frá því að hann hafi misst sveindóminn þegar hann var 17 ára. Það hafi hann gert á akri bak við pöbb. Þar segist hann hafa stundað kynlíf með eldri konu. „Þetta tók fljótt af, hún sló mig síðan á rassinn og sendi mig á brott,“ segir hann í bókinni en lætur hjá líða að nafngreina konuna.