Þetta kemur fram í árlegri skýrslu bandarísku jarðfræðistofnunarinnar USGS um stöðu mála í Yellowstone. Skýrslan var birt í byrjun maí.
Í henni kemur fram að í vettvangsrannsóknum undanfarið ár hafi nýrra gagna verið aflað sem sýni að Yellowstone askjan hafi myndast á mun flóknari hátt en áður var talið. Askja er stór gígur sem myndast við að eldfjall hrynur í kjölfar goss.
Yellowstone er eitt stærsta eldfjallakerfi heims. Svæðið er ofan á einu af „heitu svæðum“ jarðarinnar. Er þá átt við svæði þar sem heit efni frá möttlinum koma upp að yfirborðinu.
Á síðustu þremur milljónum ára hefur gosið þrisvar með þeim afleiðingum að öskjur hafa myndast að sögn Live Science.
