Fréttateymið á CBS Los Angeles var í miðri útsendingu þegar veðurfréttakonan, Alissa Carlson Schwartz, leið út af.
Á myndbandi frá atvikinu má sjá hvar fréttakonur kynna veðurfréttirnar til leiksins og er þá skipt yfir á Alissu.
Alissa stendur en réttir fljótt fram hendurnar, leggur höfuðið á þær og líður svo út af og fellur í gólfið.
Fréttakonurnar virðast fyrst orðlausar en eru fljótar að ná áttum og tilkynna áhorfendum að nú yrði tekið stutt hlé á útsendingu.
Alissa hefur þó látið í sér heyra og greint áhyggjufullum áhorfendum frá því að það sé í góðu lagi með hana.
Þetta er ekki í fyrsta sinn sem þetta kemur fyrir Alissu en árið 2014 varð hún veik í beinni útsendingu og komst seinna að því að það væri vegna hjartalokuleka. Hún hefur greint frá því í viðtali að læknar hafi sagt henni að hún þurfi að lokum að gangast undir hjartaaðgerð þar sem skipt verður um hjartaloku.
Hún hafi þó ákveðið að taka lífið sitt í gegn og verða heilbrigðari og hraustari í lífsstíl sínum. Hún hafi svo átt barn. og í kjölfar þess hafi læknar sagt að hjartalokan væri farin að gera við sjálfa sig.
„Stofnfrumurnar frá barninu mínu voru farnar að laga hjartað mitt“
🚨#WATCH: As terrifying moment happened when a CBS LA meteorologist collapsed live on air
Terrifying moment shows when a CBS LA meteorologist Alissa Carlson Schwartz collapsed on-air on Saturday morning while doing a live report her co workers… https://t.co/zkWpaB81yZ pic.twitter.com/tQ9To9spDo
— R A W S A L E R T S (@rawsalerts) March 19, 2023
