Á síðustu mánuðum hafa fimm ungmenni fundist látin „við óljósar aðstæður“ í Värmland í Svíþjóð. Lögreglan telur að ungmennin hafi öll látist af völdum fíkniefnaneyslu.

Aftonbladet skýrir frá þessu og hefur eftir Sophia Jiglind, talskonu lögreglunnar, að lögreglan viti ekki með vissu hvað varð ungmennunum að bana. Talið sé að þau hafi neytt fíkniefna, hugsanlega í samblandi við áfengi.

Ekki er vitað hvort það er eitthvað eitt ákveðið fíkniefni sem olli dauðsföllunum en lögreglan vinnur að rannsókn málanna og bíður nú niðurstöðu krufninga. Nokkrar vikur geta liðið þar til niðurstaða liggur fyrir.