Nýtt kórónuveiruafbrigði dreifir sér nú á Indlandi en það hefur einnig greinst í Bandaríkjunum og Austurríki. Það hefur fengið nafnið BJ.1. Þetta er stökkbreytt afbrigði frá Ómíkron.

Tilfellin eru enn fá að sögn þýska miðilsins FOCUS.

Vísindamenn um allan heim fylgjast nú með afbrigðinu og framvindu mála en þar sem fá tilfelli hafa greinst er erfitt og allt of snemmt að segja nokkuð ákveðið um afbrigðið. Telja vísindamenn mikilvægt að fylgjast með því, eins og öðrum afbrigðum veirunnar sem koma fram á sjónarsviðið, en benda á að ný afbrigði komi stöðugt fram og við verðum að læra að lifa með þeim.

Hættan, sem stafar af nýjum afbrigðum, er aðallega metin út frá hversu smitandi þau eru. Þar sem fá smit hafa greinst af þessu afbrigði er enn of snemmt að segja til um hættuna sem hugsanlega stafar af því.