Fjórir létust í golfbílaslysi í Texas um helgina. Afi, tvö barnabörn hans og frænka þeirra voru í fríi í Galveston áður en skólinn byrjaði þegar slysið gerðist, sagði lögreglan. Slysið átti sér stað á laugardaginn þegar ökumaður hlýddi ekki stöðvunarskyldu og lenti í árekstri við pallbíl sem klessti þá utan í golfbílinn með sex manns um borð, samkvæmt AP. Hin látnu voru öll frá Rosenberg sem er rétt hjá Houston. Tveir aðrir um borð í golfbílnum særðust samkvæmt yfirvöldum.

Ökumaðurinn sem olli slysinu sem var hinn 45 ára Miguel Espinoza hefur verið ákærður fyrir manndráp af gáleysi og akstur undir áhrifum. Lögreglan sagði að Espinoza og farþegi sem var um borð í bílnum hefðu særst lítillega. Farþegar pallbílsins særðust ekki. Golfbílar eru algeng leið til að komast um í Galveston sem er afar vinsæll hjá golfferðamönnum.