Strandarferð varð að martröð fyrir konu í Suður-Karólínufylki þegar sólhlíf fauk á hana og rak hana á hol með banvænum afleiðingum. WMBF greindi frá því að hin 63 ára Tammy Perreault varð fyrir fljúgandi sólhlíf um eitt leytið í dag. Sólhlífin hafði losnað úr sandinum í vindinum. „Hún fauk bara lengra og lengra,“ sagði vinkona Tammy, hún Sherry White.
„Allir sögðu: „Beygið ykkur!“ og við gerðum það en því miður var hún í skotlínunni.“ Heilbrigðisstarfsmenn og aðrir strandfarar hlúðu að Tammy þangað til að viðbragðsaðilar komu á vettvang til að flytja hana á sjúkrahús. Hún lést á spítalanum klukkutíma síðar. Slík atvik eru ekki óalgeng við strendur Bandaríkjanna, samkvæmt grein í Journal of Safety Research.
Atvik af þessum toga hafa vakið mikla athygli og þá sérstaklega eftir andlát 55 ára gamallar konu í Virginíufylki árið 2016. Strandgæsla Bandaríkjanna gaf út sérstaka viðvörun um að „fljúgandi strandsólhlífar geta verið hættulegar, jafnvel banvænvar.“ Stofnunin tekur fram að á árunum 2010 til 2018 hafi verið 2800 slys af völdum strandsólhlífa.
