Vísindamenn hafa rannsakað 1,4 milljónir stöðuvatna um allan heim en um 5 milljónir ferkílómetra af yfirborði jarðarinnar eru þaktir stöðuvötnum, bæði náttúrulegum og manngerðum. Í þeim er fjölbreytt líf. En eitthvað undarlegt er að gerast í þessum vötnum ef miða má við niðurstöður rannsóknarinnar.

Það eru vísindamenn við Texas háskóla sem gerðu rannsóknina. Þeir notuðust við gervihnattarmyndir af stöðuvötnunum til að meta hversu mikið vatnsmagnið í þeim minnkaði í hverjum mánuði á árunum 1985 til 2018.

Þeir tóku tillit til marga þátta, til dæmis hraða uppgufunar, stærðar vatnanna og breytinga á hitastigi.

Niðurstöðurnar sýna að úr stöðuvötnunum gufar 15,4% meira vatn upp úr en áður var talið. Gang Zhao, einn vísindamannanna, orðaði þetta sem svo að himininn væri „þyrstari“ en nokkru sinni áður. Rannsóknin hefur verið birt í vísindaritinu Nature.

Hærri hiti og meiri geislar frá sólinni valda því að himininn drekkur vatnssameindir í sig í áður óþekktu magni. Þær dreifast síðan um gufuhvolfið.

Zhao segir að þegar horft sé á málið á heimsvísu sé ekki útilokað að uppgufunin sé meiri samanlögð notkun á vatni á heimilum og í iðnaði. 

Þetta getur valdið því að minna vatn verður í stöðuvötnunum og þau verða þá viðkvæmari fyrir mengun. Landbúnaður getur einnig orðið fyrir áhrifum af þessu því erfiðara verður að útvega nóg vatn til vökvunar