Fyrir um tveimur vikum var 55 ára ítalskur veiðimaður skotinn þegar hann var á veiðum í norðurhluta Svíþjóðar. Hann lifði þetta af en er enn á sjúkrahúsi. Veiðifélagi hans er grunaður um að hafa skotið hann en hann segir að það hafi verið hundur fórnarlambsins sem skaut.

Sænska ríkisútvarpið skýrir frá þessu. Fréttamenn þess ræddu við Aldo Silva, leiðsögumann á svæðinu, sem sagðist ekki hafa verið á staðnum þegar óhappið átti sér stað. Hann sagðist þó hafa heyrt að þegar einn veiðimannanna ætlaði að sækja skotinn fugl hafi hundurinn hans stokkið upp á hann og rekið loppuna í gikkinn á byssunni.

Nú er verið að skoða hvort ákæra eigi veiðimanninn fyrir grófa líkamsárás.

Fórnarlambið var skotið í fótlegg af aðeins sex metra færi.

Silva sagðist telja að um óhapp hafi verið að ræða, því veiðimaðurinn og tveir aðrir félagar hans hafi verið í miklu uppnámi þegar norskir veiðimenn komu að þeim. Þeir norsku björguðu líklega lífi fórnarlambsins með að veita honum skyndihjálp og þeir fengu sjúkraþyrlu á vettvang.