Allir voru þeir einir á ferð að kvöldi eða síðla nætur þegar þeir voru skotnir. Þeir voru ekki rændir né beittir ofbeldi áður en þeir voru skotnir. Öll morðin áttu sér stað á nokkurra ferkílómetra svæði. Fórnarlömbin voru á aldrinum 21 til 54 ára að sögn ABC News.
Lögreglan hefur heitið 85.000 dollurum í verðlaun fyrir upplýsingar sem leiða til þess að morðinginn finnist. Hún hefur einnig birt mynd af manni sem er sagður „áhugaverður“ í tengslum við rannsóknina. Eins og sést á myndinni þá er hún frekar ógreinileg og maðurinn sést aðeins aftan frá.
