Breivik myrti 77 manns í Osló og á Útey i júlí 2011. Hann var dæmdur til 21 árs vistunar í fangelsi en það er hámarksrefsing í Noregi. Samkvæmt lögum geta fangar sótt um reynslulausn þegar þeir hafa afplánað tíu ár af refsingu sinni.
Breivik sótti um reynslulausn síðasta sumar en ákæruvaldið hafnaði umsókninni og því verður hún tekin fyrir hjá dómstól í Skien. Málið verður tekið fyrir þann 18. janúar og er reiknað með að meðferð þess taki fjóra daga.
Meðal þeirra sem koma fyrir dóminn verður Randi Rosenqvist, sálfræðingur í fangelsinu sem Breivik er vistaður í. Hún á að gera grein fyrir hvernig andleg heilsa Breivik hefur þróast á þeim árum sem hann hefur setið í fangelsi. Hún hefur skrifað margar matsgerðir um Breivik og hefur margoft varað við að ekki hægt sé að treysta því sem hann segir en hann hefur meðal annars lýst því yfir að hann sé ekki lengur herskár og sé andsnúinn ofbeldi. En hann hefur samt sem áður margoft heilsað að sið öfgahægrimanna.
