Daily Mail segir að það hafi verið 76 ára maður sem skaut þann yngri þegar hann sýndi af sér kynferðislega tilburði fyrir framan konu. Áður er hinn látni sagður hafa hrópað ókvæðisorð að öðrum strandgestum og hafi byrjað að fróa sér.
Mennirnir byrjuðu að sögn að rífast. Þegar sá yngri neitaði að fylgja þeim eldri afsíðis þar sem þeir gætu haldið rifrildi sínu áfram dró sá eldri riffil upp og skaut að minnsta kosti þremur skotum. Eitt þeirra hæfði manninn í bringuna. Hann var úrskurðaður látinn á vettvangi.
France3 segir að skotmaðurinn sé veiðimaður og sé með skotvopnaleyfi. Ekki er vitað af hverju hann tók riffilinn með sér á ströndina. Hann gafst mótþróalaust upp fyrir lögreglunni og neitaði ekki að hafa skotið manninn.
La Mama var gerð að nektarströnd 2007 og hefur styrkt stöðu Frakklands sem vinsælasti áfangastaður heims fyrir þá sem vilja vera naktir á ströndinni. Mörg hundruð manns voru á ströndinni á laugardaginn.
