Hann segir að með bóluefnum og lyfjum sé nú hægt að hafa stjórn á Ebólu. „Í 40 ár hef ég fylgst með og tekið þátt í baráttunni gegn þessum hræðilega og banvæna sjúkdómi. Í dag get ég sagt: „Hann hefur verið sigraður, það er hægt að forðast hann og sigrast á honum“,“ sagði hann á samkomu í Lýðstjórnarlýðveldinu Kongó. Á samkomunni var því fagnað að hin svokallaða Ebangameðferð er nú fáanleg. Ebanga er mótefni sem kemur í veg fyrir að veiran, sem veldur ebólu, komist inn í frumur líkamans. Með því er dregið mjög úr líkunum á að smitaðir látist af völdum sjúkdómsins.
Muyembe uppgötvaði ebólu árið 1976 þegar hann var sendur til þorpsins Yambuku sem er í norðurhluta Kóngó, sem hét þá Saír. Þar hafði dularfullur sjúkdómur brotist út. Muyembe tók sýni úr sýktri nunnu og sendi til Belgíu til rannsóknar. Þar tókst örverufræðingnum Peter Piot að einangra veiruna í fyrsta sinn. Hún fékk nafnið ebóla eftir á nærri Yambuku.
Sjúkdómurinn gleymdist svon að mestu næstu 19 árin en þá braust faraldur út í bænum Kikwit í vesturhluta Kongó. Muyembe reyndi þá að lækna átta sjúklinga með því að gefa þeim blóð úr sjúklingum sem voru á batavegi eftir ebólusmit. Sjö þeirra lifðu af. Þar með var hugmyndin að Ebanga fædd og 2018 var meðferðin reynd í fyrsta sinn.
Margir staðbundnir ebólufaraldrar hafa brotist út í gegnum áratugina og hafa orðið að minnsta kosti 11.300 manns að bana.
