Málið snýst um eitt síðasta verk Melania í Hvíta húsinu. Það snerist um endurnýjun á hinum sögufræga Rósagarði sem Jacquelin Kennedy og hinn frægi landslagsarkitekt Bunny Mellon gerðu í upphafi sjöunda áratugarins.
Garðurinn er utan við skrifstofu forsetans og hefur oft verið vettvangur fréttamannafunda, verðlaunaafhendinga og annarra stórra viðburða. En nú hefur þessi sögufrægi og friðsami garður kveikt harðar deilur í Bandaríkjunum.
Ekki eru allir sáttir við smekk Melania varðandi hönnun garðsins og Demókratar hafa verið sérstaklega gagnrýnir í garð Melania vegna „endurbóta“ hennar á garðinum og telja þeir hana hafa eyðilagt hann algjörlega.
Those were Jackie Kennedy's crabapple tree's. Many of those rose bushes were from ALL the First Ladies of America, going all the way back to Ellen Louise Wilson in 1913… pic.twitter.com/fr6E1utEUp
— AQUARIUSBUILDER🌠 (@Trying2P) August 22, 2020
Michael Bescloss, sem er þekktur sagnfræðingur og sérfræðingur um forseta landsins og ýmislegt þeim tengt, birti mynd á Twitter þar sem Rósagarðurinn sést frekar litlaus og blómalaus. „Eyðileggingu Rósagarðsins var lokið fyrir ári síðan og þetta er dapurleg útkoma. Áratuga gömul bandarísk saga er horfin,“ skrifaði hann.
Evisceration of White House Rose Garden was completed a year ago this month, and here was the grim result—decades of American history made to disappear: @dougmillsnyt pic.twitter.com/78OqjkoOPt
— Michael Beschloss (@BeschlossDC) August 7, 2021
Þetta fór ekki fram hjá Melania sem settist við tölvuna og lét heyra í sér á Twitter. „Michael Beschloss hefur sýnt fram á þekkingarleysi sitt með því að birta mynd af Rósagarðinum þegar hann var rétt að taka við sér. Heilbrigðar og litríkar rósir prýða Rósagarðinn. Villandi upplýsingar hans bera merki lyga og enginn ætti að treysta honum sem faglegum sagnfræðingi,“ skrifaði Melania.
.@BeschlossDC has proven his ignorance by showing a picture of the Rose Garden in its infancy. The Rose Garden is graced with a healthy & colorful blossoming of roses. His misleading information is dishonorable & he should never be trusted as a professional historian. https://t.co/LU243SANF1 pic.twitter.com/PuVOSjxx5w
— Office of Melania Trump (@OfficeofMelania) August 8, 2021
Talskona hennar sagði í samtali við CNN að bandaríska þjóðin eigi heiðarleika skilið og að vinna Melania við garðinn hafi verið byggð á miklum rannsóknum á sögu hans og þörfum nútímans. Að gera lítið úr þessari vinnu sýni viðhorf fjölmiðla í hennar garð.
Hún hefur meðal annars verið sökuð um að hafa fjarlægt upprunalegar plöntur úr garðinum en rannsókn Reuters á því leiddi í ljós að það er ekki rétt.
