Mörgum bandarískum fyrirtækjum gengur illa að fá hæft starfsfólk og hafa því gripið til þess ráðs að bjóða upp á eingreiðslu við undirritun ráðningarsamnings. Geta þessar greiðslur numið sem nemur allt að 360.000 íslenskum krónum.

CNN Business skýir frá þessu. Fram kemur að þetta verði sífellt algengara og eigi við um mörg svið atvinnulífsins.

Sem dæmi er tekið að Amazon hafi auglýst eftir 75.000 manns til starfa í vöruhúsum netrisans og við flutning á vörum. Var verðandi starfsmönnum boðin 1.000 dollara eingreiðsla við undirritun ráðningarsamnings og tímalaun sem eru 2 dollurum hærri en tíðkast.

Robin Ray Buscaino er einn þeirra sem réðu sig til starfa hjá Amazon. Hann fékk 3.000 dollara í eingreiðslu við undirritun ráðningarsamningsins.