Ungur maður var skotinn til bana um miðnætti í nótt í Alby, sem er sunnan við Stokkhólm. Lögreglunni var tilkynnt um málið klukkan 00.03 að staðartíma. Ungi maðurinn var fluttur með þyrlu á sjúkrahús en ekki reyndist unnt að bjarga lífi hans. Hann var 19 ára.

Aftonbladet segir að hann hafi verið skotinn mörgum skotum í efri hluta líkamans. Fjölmennt lögreglulið hefur unnið að rannsókn málsins í nótt en enginn hefur verið handtekinn enn sem komið er. Tugir skothylkja fundust á vettvangi að sögn Aftonbladet.

Talsmaður lögreglunnar sagði í nótt að ungi maðurinn hafi fundist utan við fjölbýlishús og að mörg vitni hefðu verið að morðinu.