fbpx
Laugardagur 18.október 2025
Pressan

Herinn hefur tekið völdin í Mjanmar – Aung San Suu Kyi handtekin

Kristján Kristjánsson
Mánudaginn 1. febrúar 2021 05:46

Aung San Suu Kyi var handtekin í morgun. Mynd:EPA

Ekki missa af Helstu tíðindum dagsins í pósthólfið þitt

Lesa nánar

Herinn í Mjanmar hefur tekið völdin í landinu. Þetta var tilkynnt á sjónvarpsstöð hersins í morgun að staðartíma. Aung San Suu Kyi, leiðtogi landsins, hefur verið handtekin sem og Win MyInt, forseti, og fleiri háttsettir stjórnmála- og embættismenn.

Nýkjörið þing landsins átti að koma saman í fyrsta sinn í dag en af því verður ekki. Sjónvarpsstöð hersins tilkynnti að Min Aung Hlaing, hershöfðingi, verði leiðtogi landsins og að herlög gildi næsta árið. Í tilkynningu hersins segir að nauðsynlegt sé að grípa til þessara aðgerða til að tryggja stöðugleika í landinu.

Í tilkynningu hersins er kjörstjórn landsins sökuð um að hafa litið fram hjá „stórum frávikum“ í kosningunum sem fóru fram 8. nóvember. NLD, flokkur Aung San Suu Kyi, vann þá stórsigur en þetta var aðeins í annað sinn á 49 árum sem kosningar fóru fram í landinu en þar hefur herinn lengstum ráðið lögum og lofum. NLD fékk 396 af 476 þingsætum.

Vaxandi spenna hefur verið á milli hersins og ríkisstjórnar landsins síðustu daga en herinn hefur haldið því fram að rangt hafi verið haft við í kosningunum en hefur ekki lagt fram neinar sannanir því til staðfestingar.

BBC segir að hermenn hafi tekið sér stöðu víða í höfuðborginni Naypyitaw og í Yangon. Víða hefur síma- og netsamband verið rofið. Ríkissjónvarp landsins fær ekki að útvarpa né sjónvarpa að sinni.

António Guterres, aðalritari SÞ, fordæmdi handtöku Aung San Suu Kyi og annara og sagðist hafa miklar áhyggjur af framvindu þeirra lýðræðislegu umbóta sem hafa verið í gangi í landinu. Áströlsk stjórnvöld krefjast þess að herinn láti hin handteknu laus nú þegar og virði lög og reglur. Bandaríkjastjórn fordæmdi valdaránið og hótar refsiaðgerðum. Stjórnvöld í Indónesíu hafa hvatt herinn til að virða lýðræðið og stjórnarskrá landsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Tekinn af lífi eftir 20 ár á dauðadeild – Hélt fram sakleysi sínu allt til síðasta dags

Tekinn af lífi eftir 20 ár á dauðadeild – Hélt fram sakleysi sínu allt til síðasta dags
Pressan
Fyrir 3 dögum

Fjárkúgunarhringur herjar á kanadíska borg – Ung kona lifði naumlega af

Fjárkúgunarhringur herjar á kanadíska borg – Ung kona lifði naumlega af
Pressan
Fyrir 5 dögum

Harmleikur þegar 500 þúsund býflugur drápust á einu bretti

Harmleikur þegar 500 þúsund býflugur drápust á einu bretti
Pressan
Fyrir 5 dögum

Sextug kona lést í furðulegu slysi þegar hún var að þvo bílinn sinn

Sextug kona lést í furðulegu slysi þegar hún var að þvo bílinn sinn
Pressan
Fyrir 5 dögum

Trump enn með ásakanir í garð Biden – Var sjálfur forseti þegar þetta á að hafa gerst

Trump enn með ásakanir í garð Biden – Var sjálfur forseti þegar þetta á að hafa gerst
Pressan
Fyrir 6 dögum

Hlaðvarpsþáttur hristir upp í umdeildu sakamáli – Robert hlaut dauðadóm í vafasömu „Shaken baby-máli“

Hlaðvarpsþáttur hristir upp í umdeildu sakamáli – Robert hlaut dauðadóm í vafasömu „Shaken baby-máli“