fbpx
Fimmtudagur 18.ágúst 2022
Pressan

Kaldrifjuð morð og átök glæpagengja í Kaupmannahöfn – Sænsk glæpasamtök tengjast átökunum

Kristján Kristjánsson
Miðvikudaginn 8. desember 2021 07:01

Danskir lögreglumenn við störf. Mynd:Getty

Ekki missa af Helstu tíðindum dagsins í pósthólfið þitt

Lesa nánar

„Það sem við sjáum þessa stundina er sérstaklega ofbeldisfullt. Það eru kaldrifjuð morð, það er ekið hratt um göturnar, menn eru taugaveiklaðir og aka saman í bílalestum. Það er viðurkennt og samþykkt að maður verði að fara út og drepa einhvern.“

Þetta sagði Torben Svarrer, yfirlögregluþjónn hjá lögreglunni í Kaupmannahöfn, á fréttamannafundi í gær þar sem hann ræddi þá stöðu sem er uppi í borginni vegna morða síðustu daga. Talið er að skipulögð glæpagengi takist á og hika þau ekki við að beita skotvopnum og drepa liðsmenn andstæðra gengja.

Síðan síðasta fimmtudag hafa þrír verið skotnir til bana og fjórir særðir í þessum átökum. Sú mynd blasir eiginlega við öllum að glæpagengi séu að takast á og að allt sé á suðupunkti í undirheimunum. Inn í þessi átök blandast síðan sænsk glæpasamtök og sænskir afbrotamenn sem koma yfir Eyrarsund til fremja afbrot. Til dæmis er einn Svíi í haldi lögreglunnar grunaður um morð á fimmtudaginn. Danska og sænska lögreglan vinna því náið saman að rannsókn þessara mála og annarra enda láta glæpamenn landamæri ekki stöðva sig.

Svarrer sagði að engin vafi leiki á að glæpagengi takist á í borginni en sagði að myndin væri frekar „óskýr“. Ekki sé hægt að segja til um hvaða gengi séu að takast á eins og hefur yfirleitt verið hægt þegar átök glæpagengja hafa staðið yfir. Hann sagði að annars vegar sé um að ræða glæpagengi sem lögreglan þekki vel til en hins vegar séu andstæðingar þess eiginlega ekki glæpagengi, heldur frekar óljós hópur afbrotamanna sem eiga eitthvað sökótt við hvern annan og fyrrnefnd glæpasamtök.

Lögreglan handtók 12 meðlimi glæpagengja í gær og gerði húsleit á 25 stöðum. Við þessar húsleitir fundust barefli, stunguvopn og reiðufé. Hann sagði að þetta sýni að menn séu tilbúnir til átaka.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Fundu 38 flóttamenn sem voru fastir á hólma í ánni Evros dögum saman

Fundu 38 flóttamenn sem voru fastir á hólma í ánni Evros dögum saman
Pressan
Fyrir 2 dögum

Hafa fengið morðhótanir vegna Freya-málsins

Hafa fengið morðhótanir vegna Freya-málsins
Pressan
Fyrir 3 dögum

Segir hann geta sjálfum sér kennt um stunguárásina

Segir hann geta sjálfum sér kennt um stunguárásina
Pressan
Fyrir 3 dögum

Söguleg lög taka gildi í Skotland í dag – Dömubindi og túrtappar verða nú ókeypis

Söguleg lög taka gildi í Skotland í dag – Dömubindi og túrtappar verða nú ókeypis
Pressan
Fyrir 4 dögum

Fimm ára barn rekið úr skóla því foreldrarnir eru samkynhneigðir

Fimm ára barn rekið úr skóla því foreldrarnir eru samkynhneigðir
Pressan
Fyrir 4 dögum

Stefnir í „öfga“ hækkun hitastigs á norðurheimskautasvæðinu

Stefnir í „öfga“ hækkun hitastigs á norðurheimskautasvæðinu
Pressan
Fyrir 4 dögum

Eldgosið á Tonga spúði miklum sjó upp í lofthjúpinn – Dugði í 58.000 sundlaugar

Eldgosið á Tonga spúði miklum sjó upp í lofthjúpinn – Dugði í 58.000 sundlaugar
Pressan
Fyrir 4 dögum

Martröð á opnu hafi – Skútan sökk og við tók barátta upp á líf og dauða

Martröð á opnu hafi – Skútan sökk og við tók barátta upp á líf og dauða