Þegar Anna Broos Williams og eiginmaður hennar sögðu frá væntanlegri fjölgun hjá þeim glöddust fjölskyldur þeirra og vinir að sjálfsögðu mjög. Móðir Önnu hafði lengi beðið eftir að eignast barnabarn og það sama átti við um tengdaforeldra hennar.

En eins og flestir vita þá fara meðgöngur ekki alltaf samkvæmt áætlun og eitt og annað óvænt getur komið upp á eða í ljós. Það gerðist einmitt hjá Önnu því þegar hún var í mæðraskoðun heyrðu læknar tvo hjartslætti en ekki einn. Hjónin áttu sem sagt von á tvíburum.

Fyrsta hugsun þeirra hjóna var að hringja í alla ættingja og vini og segja þeim þessi gleðitíðindi en eftir smá umhugsun ákváðu þau að sitja á stóra sínum og halda þessu leyndu og gefa fjölskyldum sínum smá auka „jólagjöf“ þetta árið en Anna átti að eignast börnin fyrir jólin.

Fæðingin gekk síðan eins og í sögu og skömmu síðar fengu spenntir afar og ömmur að koma í heimsókn til að hitta nýja barnabarnið, algjörlega óafvitandi að tvö börn höfðu komið í heiminn.

Í þessu bráðskemmtilega myndbandi hér fyrir neðan sjást viðbrögð móður Önnu  þegar hún komst að því að börnin voru tvö.