Línuritið sem fylgir þessari grein er línuritið sem fjöldi sérfræðinga og leikmanna tala mikið um þessa dagana. Það byggir á fyrstu gögnum frá Suður-Afríku um útbreiðslu Ómíkronafbrigðis kórónuveirunnar en það skelfir heimsbyggðina þessa dagana.

Á línuritinu sést greinilega hversu miklu hraðar en Deltaafbrigðið Ómíkron dreifði sér. En það er mikilvægt að hafa í huga að við erum enn á upphafsreit hvað varðar þetta afbrigði því litlar upplýsingar eru fyrirliggjandi um það. Þó virðist liggja fyrir að það sé bráðsmitandi.

En ekki liggja fyrir staðfest gögn um hversu alvarlegum veikindum afbrigðið veldur en þó hafa komið fram vísbendingar um að það valdi hugsanlega ekki eins alvarlegum veikindum og önnur afbrigði veirunnar.  Ef það er rétt og afbrigðið er meira smitandi en Deltaafbrigðið og getur útrýmt Deltaafbrigðinu þá eru það góðar fréttir.

Við fáum væntanlega að vita allt um Ómíkron á næstu vikum.