The Guardian skýrir frá þessu. Fram kemur að fyrir dómi hafi komið fram að eftir að Fuller myrti konurnar hafi hann misnotað lík þeirra kynferðislega. Einnig kom fram að hann hafi níðst á líkum kvenna í líkhúsum tveggja sjúkrahúsa sem hann starfaði hjá.
Lögreglan hefur fundið að minnsta kosti 99 hugsanleg fórnarlömb Fuller en mál hans er talið versta mál sögunnar í Bretlandi varðandi náriðla. Brot hans eru talin hafa átt sér stað á árunum 2008 til 2020.
Á upptöku, sem lögreglan hefur birt, af yfirheyrslu yfir Fuller segir hann meðal annars: „Ég vill játa . . . Ég játa þessi brot en ég vil helst ekki fara út í smáatriði.“
Þegar lögreglan gerði húsleit heima hjá honum fann hún fjórar milljónir mynda af kynferðisofbeldi. Megninu af myndunum hafði hann hlaðið niður af Internetinu en einnig voru upptökur af honum sjálfum að níðast á líkum.
Wendy Knell fannst látin í íbúð sinni þann 23. júní 1987 og Caroline Pierce fannst látin utan við heimili sitt 24. nóvember sama ár. Áður en þær voru myrtar hafði verið tilkynnt um mann sem að kíkja á glugga heima hjá þeim.
Fuller var handtekinn í desember á síðasta ári grunaður um morðin á þeim en það voru nýjar rannsóknir á lífsýnum sem leiddu til handtöku hans.
Lögreglan hafði enga hugmynd um að Fuller væri náriðill fyrr en hún gerði húsleit heima hjá honum og fann allar myndirnar.
Ekki hefur enn verið ákveðið hvenær dómari kveður upp refsingu yfir Fuller.
